Душанбе. 11-уми сентябр. ОИ «Азия-Плюс» - Аз Ассо тсиатсияи миллии васоити ахбори оммаи мустақили Тоҷикистон (АМВАОМТ) ба ОИ «Азия-Плюс» хабар доданд, ки озмунро Фонди байнулмилалии дифоъи озодии сухани «Одил соз» дар ҳамдастӣ бо Ассосиатсияи байнулмилалии дифоъи озодии баён

IFEX , Фонди ба номи Конрад Аденауэр, Иттиҳодияи ҷамъиятии «Журналистон», Иттифоқи журналистони Қазоқистон ва АМВАОМТ созмон додаанд.

Бино ба иттилои манбаъ, дар озмун ҳамаи рӯзноманигорони васоити ахбори оммаи кишварҳои Осиёи Марказӣ метавонанд ширкат варзида, маводи худро дар ҳама навъҳои рӯзноманигорӣ пешниҳод намоянд.

Мавзӯъҳои озмун чунинанд: «Озодии сухан: меъёрҳои САҲА ва таҷрибаи ватанӣ», «Озодии сухан ба кӣ лозим аст?», «Дар бораи чӣ ман навишта натавонистам», «Агар ин интиқом набошад, пас чист?» ва «Нисфи тахту тоҷ барои иттилоот». Мавод ва гузориш бояд ҳатман дар ягон намуди васоити ахбори омма нашр шаванд. Озмун аз 18уми сентябри соли 2008 то 15-уми апрели соли 2009 гузаронида мешавад.