Душанбе. 18-уми сентябр - Роҳбарони Кумитаи иҷроияи Иттиҳоди Давлатҳои Мустақил (ИДМ) ва Созмони байнулмилалии муҳоҷират 19-уми сентябр дар шаҳри Минск лоиҳаи Ёддошти ҳусни тафоҳум ва ҳамкориро дар соҳаи муҳоҷират имзо хоҳанд кард. Ёддошт асосҳои ҳамкориро дар соҳаи муҳоҷират, аз чумла, мубориза ба муқобили муҳоҷирати ғайриқонунӣ ва хариду фурӯши одамон пешбинӣ мекунад.

Имзои он ба истифодаи таҷриба ва кӯмакҳои Созмони байнулмилалии муҳоҷират барои такмили заминаи қонунӣ дар соҳаи муҳоҷират шароит муҳайё месозад. Ба ин васила имкониятҳои созмон барои омӯзиши ҳамаҷонибаи кормандони мақомоти дахлдор, тайёр кардан ва бозомӯзии кадрҳои мутахассис ва пешгирии ҳодисаҳои хариду фурӯши одамон мавриди истифода қарор дода мешавад. Дар маросими имзои лоиҳаи меморандум директори генералии Созмони байнулмилалии муҳоҷират Брансон Маккинли ва раиси Кумитаи иҷроияи ИДМ Сергей Лебедев ширкат меварзанд.