Душанбе. 13-уми октябр. ОИ «Азия-Плюс» - Дирӯз дар Суғд имтиҳони интихоби роҳбарони гурӯҳҳои зоирини тоҷик аз вилояти Суғд шурӯъ шуд.

            Мудири шӯъбаи ҳаҷ ва саёҳати Вазорати фарҳанги ҷумҳурӣ Абдусалом Раҷабов дар сӯҳбат бо хабарнигори ОИ «Азия-Плюс» изҳор дошт, ки дар байни довталабони роҳбари гурӯҳи ҳаҷ гардидан ҳудуди 50 намояндаи масҷидҳо, кормандони корхонаву муассисоти вилоят ширкат варзида, аз забони арарбӣ имтиҳон месупоранд.

  «Аз байни онҳо дар тӯли ду ҳафта 27 нафар роҳбарони гурӯҳ интихоб мешаванд ва ҳамроҳи зоирин ба ҳаҷ мераванд», - гуфт ӯ. Номбурда афзуд, ки инчунин зоиринро як табиб инз ҳамроҳӣ хоҳад кард.

  Қобили зикр аст, ки маблағи роҳкиро ва будубоши роҳбарони гурӯҳ аз ҳисоби вазорати фарҳанг пардохта хоҳад шуд.