Душанбе. 14-уми октябр. ОИ «Азия-Плюс» - Мақомоти шаҳрдории Душанбе шумори мошинҳои навъи «тангем»-ро, ки дар роҳҳои мошингарди пойтахт равуо мекунанд, кам карданист.

            Манбаъ аз мақомоти шаҳрдории пойтахт ба ОИ «Азия-Плюс» изҳор дошт, ки лоиҳаи чунин қарор барои баррасӣ ба шаҳрдори Душанбе Маҳмадсаид Убайдуллоев пешниҳод гардидааст.

            «Ташаббускорони ин иқдом роҳбарони сохторҳои нақлиёти мусофирбари шаҳри Душанбе мебошанд», - гуфт сарчашма.

            Зикр гардид, ки иллати пешниҳоди чунин иқдом ба он вобаста аст, ки солҳои ахир ба Тоҷикистон нақлиёти мусофирбари зиёде ворид шуд ва феълан фаъолияти онҳо чашмрас нест.