Душанбе. 10-уми ноябр. ОИ «Азия-Плюс» - Шумораи қурбониёни ду амали террористӣ дар Бағдод ба 25 нафар расид. Шабакаи телевизионии «Ал-Арабия дар ин хусус маълумот медиҳад. Боз 48 нафари дигар ҷароҳат бардоштаанд.

            Тибқи маълумоти пулис, дар маҳаллаи Касри пойтахти Ироқ дар як вақт ду инфиҷор рух дод. Нахуст мошини минадор таркид ва пас аз дар ҷойи ҳодиса ҷамъ омадани мардуми зиёде террорист маводи таркандаи дар бадан будаашро ба таркиш овард.

            Рӯзи якшанбе бар асари ҳамлахои ифротгароён дар Ироқ 8 нафар аҳолии осоишта қурбон шуданд.