Душанбе. 21-уми ноябр. ОИ «Азия-Плюс» - Тоҷикистон дар рейтинги эътимоди мардуми Русия нисбат ба кишварҳои дигар 36 балл гирифт. Дар ин хусус дар гузориши «Маҳфили хирадмандони Русияву Белорус» маълумот дода шудааст.

            Тибқи маълумоти рейтинг, русиягиҳо бештар ба Осетияи Ҷанубӣ эътимод доранд ва ба ин кишвар 85 баллро лоиқ донистаанд. Белорусҳо 1 балл камтар соҳиб гашта, абхазҳо бо дарёфти 80 балл зинаи саввумро соҳиб гаштаанд.

            Ғайр аз ин сокинони Русия ҳамчунин ба ҳиндуҳо (55 балл), украиниҳо (53 балл), қазоқҳо (48 балл), чиноиҳо (46 балл) ва арманиҳо (45 балл) низ боварӣ доранд. Мизони эътимоди русиягиҳо ба кишварҳои узви Иттиҳоди Аврупо ба миқдори 40 балл арзёбӣ мешавад. Иёлоти Муттаҳидаи Амрико соҳиби 38 балл, Тоҷикистон – 36 балл ва Ӯзбекистон – 35 балл гаштанд. Сатҳи пасттарин эътимоди русиягиҳо ба гурҷиҳо (12 балл) зоҳир шудааст.