Хуҷанд. 25-уми декабр. ОИ «Азия-Плюс» - Дар маркази мубориза бо бемории СПИД-и Истаравшан, ки тирамоҳи соли ҷорӣ ифтитоҳ гардида буд, бемори аввалини ВИЧ/СПИД ошкор карда шуд.

            Тавре директори маркази мазкур Абдуҷалол Ҷабборов ба ОИ «Азия-Плюс» хабар дод, дар марказ 10 нафар кормандони тиб машғули кор буда, акнун сокинони ноҳияи Истравшан ва ноҳияи наздики он имкон доранд, дар ин ҷо аз ташхис гузаранд. «Аз оғози фаъолият 780 шаҳрванд дар марказ аз ташхис гузаштанд ва як нафар мубталои бемории ВИЧ/СПИД ошкор гардид», - гуфт ӯ.

            Ба иттилои манбаъ, феълан дар ноҳияи Истаравшан 7 гирифтори бемории ВИЧ/СПИД ба қайд гирифта шудааст.