Душанбе. 31-уми декабр. ОИ «Азия-Плюс» - Соли оянда дар чаҳорчӯбаи татбиқи Лоиҳаи ислоҳот ва таҷдиди соҳаи маориф дар шҳри Душанбе ва ноҳияи Восеъ ду макатаби нави замонавӣ сохта мешавад.

Тавре аз Маркази идоракунии лоиҳаҳо дар соҳаи маориф ба ОИ «Азия-Плюс» хабар доданд, корҳои сохтмонӣ дар ин иншоот баҳори соли оянда шурӯъ гардида, дар пойтахт бунёди мактаб барои 330 нафар ва ноҳияи Восеъ барои 175 нафар хонанда ба нақша гирифта шудааст. «Лоиҳаи сохтмони ин муассисаҳои таълимӣ таҳия гардида, феълан асноди баргузории тендери он омода мешавад», - гуфт манбаъ.

Қобили зикр аст, ки дар доираи татбиқи Лоиҳаи ислоҳоту таҷдиди соҳаи бахши маориф 143 иншооти соҳа бунёд ё барқарор карда шуд. Лоиҳаи номбурда аз ҷониби Бонки ҷаҳонӣ ва ҳукумати ҷумҳурӣ маблағгузорӣ шуда, ба рушди соҳаи маорифи кишвар нигаронида шудааст.