Душанбе. 8-уми январ. ОИ «Азия-Плюс» - Тибқи иттилои васоити ахбори оммаи Русия, қуллаи Ленин, ки дар марзи То ҷ икистону Қирғизистон воқеъ аст, дар озмуни интернетии «Ҳафт м ӯ ъ ҷ изаи табиат» номнавис шудааст.

Дар иттилоъ гуфта мешавад, ки ба рӯйхат кӯлҳову кӯҳҳо, шаршараву ғорҳои қадими машҳури ҷаҳон, аз қабили қуллаи Эвересту шаршараи Ниагара, кӯли Байкал ва ғайра номнавис шудаанд.

Ширкати ғайритиҷоратии швейтсарии New 7 Wonders Foundation барои иштирок аз 222 кишвари ҷаҳон 261 объекти табиатро интихоб кардааст.

Ба рӯйхати доваталабони озмун ҳамчунин кӯҳҳои Фуҷи (Ҷопон), Монблан (Фаронса), биёбони Атакама (Чили) вулқони Везувий (Итолиё), рӯдхонаи Днепр ва ғайра дохил гаштаанд. Ҳамаи объектҳо аз рӯи навъҳо тақсим карда шудаанд.

Интизор меравад, ки барои муайян сохтани мӯҷизаҳои табиат ҳудуди 1 млрд. муштариён овоз хоҳанд дод. Озмун то 7-уми июл идома меёбад.