Душанбе. 14-уми январ. ОИ «Азия-Плюс» - Ҳайати Тоҷикистон таҳти сарварии раиси ширкати «Барқи тоҷик» муддати се рӯз аст, ки дар шаҳри Тошканд қарор дорад ва бо энергетикҳои Ӯзбекистон бобати транзити барқи Туркманистон тавассути шабакаҳои барқи Ӯзбекситон ба ҷумҳурӣ гуфтушунид мекунад.

            Тавре аз Вазорати энергетика ва саноати ҷумҳурӣ ба ОИ «Азия-Плюс» хабар доданд, ба ҳайати Тоҷикистон танҳо намояндагони ширкати «Барқи тоҷик» шомил буда, ҷузъиёти музокирот ба онҳо маълум нест.

            Ба ОИ «Азия-Плюс» муяссар шуд, ки бо ширкати «Ӯзбекэнерго» тамос бигирад ва энергетикҳои ӯзбек тавсия доданд, ки ба ширкати «Барқи тоҷик» муроҷиат намоем, вале аз ширкати мазкур аз пешниҳоди иттилои дақиқ худдорӣ карданд.