Душанбе. 19-уми феврал. ОИ «Азия-Плюс» - Моҳи январи соли ҷорӣ дар сохтмону таҷдиди иншооти энергетикии кишвар 22,8 млн. $ маблағҳо азхуд карда шуд.

            Тибқи маълумоти Кумитаи давлатии омори кишвар, дар сохтмони нерӯгоҳи Сангтӯда-1 – 22,8 млн., нерӯгоҳи Сангтӯда-2 – 38,4 млн. сомонӣ маблағ азхуд гардидааст.

            Бо ёдоварии он, ки бахши энергетика самти афзалиятноки сиёсати раҳбарияти ҷумҳурӣ аст, дар гузориши кумитаи омор қайд шудааст, ки дар моҳи январ аз ҳаҷми умумии маблағҳои азхудшуда 53,3 дарсадаш маҳз ба ин соҳа рост меояд.

            Дар маҷмӯъ моҳи январ маблағгузорӣ ба сармояи асосӣ аз ҳисоби ҳама сарчашмаҳо дар ҳаҷми беш аз 160 млн. сомонӣ истифода шудааст.