Душанбе. 10-уми март. ОИ «Азия-Плюс» - Навъҳои нави зироати кишоварзӣ, ки аз ҷониби олимони Тоҷикистон ихтироъ шуданд, соҳиби гувоҳномаи ҳуқуқи муаллифӣ гардида, барои истифода дар истеҳсолот патент гирифтанд.

            Тавре аз Вазорати кишоварзии ҷумҳурӣ ба ОИ «Азия-Плюс» хабар доданд, навъҳои нави пахтаи «Шавкат-80» ва «ВД-11», зироати хӯроки чорвои «Зиддӣ» ва навъи гандуми мулоим барои кишти баҳорӣ ва тирамоҳӣ соҳиби патент гаштанд.

            Ба иттилои манбаъ, ахири ҳафтаи гузашта директори Муассисаи давлатии санҷиши навъҳои зироати кишоварзӣ ва муҳофизати рустаниҳо Сафаралӣ Орифов ба олимон гувоҳномаи ҳуқуқи муаллифиро супурд.