Душанбе. 11-уми март. ОИ «Азия-Плюс» - Ҷамъияти саҳомии пӯшидаи «Бонки рушди Тоҷикистон» бо мақсади такмили фаъолияти хизматгузорӣ барои шахсони воқеӣ ва ҳуқуқи ду депозити нав – «Нури умед» ва «Адолат»-ро ҷорӣ сохт.

Тавре аз маркази матбуоти бонки мазкур ба ОИ «Азия-Плюс» хабар доданд, депозитҳои нави бонк ҷавобгӯи тамоили иқтисоди бозорӣ буда, ба нигаҳдории рақоабатпазирии бонк мусоидат менамоянд. «Депозити «Нури умед» ба шахсони воқеиву ҳуқуқӣ ва депозити «Адолат» танҳо ба шахсони воқеӣ пешбинӣ гардида, фоизи пардохти он ба мӯҳлати ҷой додани воситаҳои пулӣ, тарзи пардохти фоизҳо ва шакли асъор вобаста аст», - гуфт манбаъ.

Депозитҳо ба мӯҳлати аз 6 моҳ то 3 сол қабул карда мешаванд. Ба санаи 1-уми марти соли ҷорӣ ҳаҷми умумии маблағи депозити аҳолӣ ҳудуди 22,5 млн. сомониро ташкил додааст.