Душанбе. 31-уми март. ОИ «Азия-Плюс» - Дар шаҳри Душанбе китоби Ислом Каримов – «Бӯҳрони молӣ, роҳҳо ва тадбирҳои рафъи он дар шароити Ӯзбекистон» бо забони тоҷикӣ ба табъ расид.

Чӣ тавре ки аз сафорати Ӯзбекистон дар Тоҷикистон ба ОИ «Азия-Плюс» хабар доданд, китоби мазкур, ки аввали соли ҷорӣ таълиф шудааст, қаблан бо забонҳои ӯзбекиву русӣ ва ангисӣ интишор гардида, феълан дар нашриёти «Деваштич» бо теъдоди зиёд бо забони тоҷикӣ ба табъ расид.

Бино ба иттилои манбаъ, ахири ҳафтаи равон барои сиёсатмадорон, иқтисодчиён, ҷомеашиносон ва рӯзноманигорон маросими муаррифиномаи китоб доир мегардад. «Маросими муаррифиномаи китоб аз ҷониби сафорати Ӯзбекистон дар ҶТ дар ҳамдастӣ бо Маркази тадқиқоти стратегии назди президенти Тоҷикистон созмон дода мешавад», - афзуда шуд дар сафорат.