Душанбе. 29-уми апрел. ОИ «Азия-Плюс» - Дар семоҳаи аввали соли ҷорӣ дар Тоҷикистон ҳудуди 25 млн. дона тухм истеҳсол карда шуд, ки дар муқоиса бо нишондиҳандаи ҳамин давраи соли гузашта ду баробар бештар аст.

            Чӣ тавре ки аз Вазорати кишоварзии ҷумҳурӣ ба ОИ “Азия-Плюс” хабар доданд, тайи се моҳи соли равон дар корхонаҳои паррандапарварӣ ва хоҷагиҳои фермерӣ саршумори мурғ афзуда, он ба беш аз 1 млн. 18 ҳазор сар мурғ расидааст, ки нисбат ба ҳамин давраи соли гузашта 282 ҳазор сар зиёдтар мебошад.

            Ёдрас мекунем, ки тибқи маълумоти ахири вазорати кишоварзӣ, айни замон дар Тоҷикистон 18 корхонаи паррандапарварӣ ва хоҷагиҳои фермерӣ оид ба истеҳоли тухм амал мекунанд.