Душанбе. 4-уми май. ОИ «Азия-Плюс» - То 1-уми май нақшаи даъвати баҳорӣ ба хизмати ҳарбӣ дар сафи Қувваҳои Мусаллаҳи ҶТ ба миқдори 88 дарсад иҷро шуд.

            Сардори маркази матбуоти Вазорати мудофиаи ҶТ Фаридун Маҳмадалиев дар сӯҳбат бо хабарнигори ОИ «Азия-Плюс» гуфт, нақшаи даъвати баҳорӣ дар ВМКБ ба андозаи – 86, вилояти Хатлон – 94, вилояти Суғд – 87 ва ноҳияҳои тобеи марказ – 75 дарсад ба иҷро расидааст.

            Ба гуфтаи ӯ, дар шаҳрҳои Норак, Кӯлоб, Табошар, Конибодом, Панҷакент, Сарбанд ва ноҳияҳои Шуғнон, Рӯшон, Мурғоб, Роштқалъа, Зафаробод, Шаҳристон, Варзоб, Тавилдара, Тоҷикобод, Шӯрообод, Панҷ, Данғара, Балҷувон, Фархор, Ховалинг ва Носири Хисрав нақшаи даъвати баҳорӣ ба хизмати ҳарбӣ пурра иҷро шудааст.