Душанбе. 16-уми май. ОИ «Азия-Плюс» - Имрӯз дар шаҳри Душанбе таҳти унвони «Ҳамкорӣ дар соҳаи расонидани кӯмаки тиббӣ ба муҳоҷирони меҳнатӣ» ҷаласаи навбатии гурӯҳи кории Шӯрои тандурустӣ дар назди Кумитаи ҳамгиройии Иттиҳоди иқтисодии Авруосиё (ЕврАзЭС) ба кор шурӯъ мекунад.

            Чӣ тавре ки ба ОИ «Азия-Плюс» аз Вазорати тандурстии ҶТ иттилоъ доданд, дар ҷаласа масоили ҳалли мушкилоти мавҷуда дар мавриди расонидани кӯмаки тиббӣ ба муҳоҷирони меҳнатӣ, аз ҷумла, таҳияи лоиҳаи аснод оид ба ташхиси тиббии шаҳрвандони узви иттиҳод мавриди барррасӣ қарор мегиранд.

            Дар чаҳорчӯбаи ҷаласаи гурӯҳи корӣ имзои Созишнома дар бораи ҳамкории кишварҳои узв дар соҳаи расонидани кӯмаки тиббӣ ба муҳоҷирони меҳнатӣ дар назар аст.