Душанбе. 18-уми май. ОИ «Азия-Плюс» - Ҳаҷми хисороти расида ба бахши кишоварзии ҷумҳурӣ бар асари боришоти шадиди муттасил аз 88 млн. сомонӣ бештар аст: баҳори имсол аз обуҳавои номусоид ҳудуди 40 ҳазор гектар заминҳои кишти ҷумҳурӣ зарар диданд. Дар ин бора ба ОИ «Азия-Плюс» аз Вазорати кишоварзии ҶТ иттилоъ доданд.

            Бино ба иттилои манбаъ, дар соҳаи пахтакорӣ дар 22 ҳазор гектар замин ба маблағи беш аз 22 млн. сомонӣ ва дар бахши истеҳсоли зироати ғалладона дар майдони зиёда аз 8 ҳазор гектар дар ҳаҷми беш аз 8 млн. сомонӣ хисорот ворид гардида, ҳамчунин наздики 3 ҳазор гектар боғ ва беш аз 2,5 ҳазор гектар ангурзор низ осеб диданд.

            Тибқи маълумоти фаврии коршиносон, инчунин 77 сар чорвои калони шохдор ва 353 сар чорвои майда низ талаф ёфт.