Душанбе. 20-уми май. ОИ «Азия-Плюс» - Имрӯз таҳти раёсати котиби Шӯрои амнияти Русия Николай Патрушев дар шаҳри Маскав ҷаласаи котибони шӯрои амнияти кишварҳои узви Созмони Ҳамкории Шанхай доир гардида, дар он масоили таъмини амният ва густариши ҳамкориҳо дар ин самт мавриди баррасӣ қарор мегиранд.

            Чӣ тавре ки ба ОИ «Азия-Плюс» аз Шӯрои амнияти ҶТ иттилоъ доданд, дар ҷаласаи мазкур Тоҷикистонро котиби Шӯрои амнияти ҷумҳурӣ Амирқул Азимов намояндагӣ мекунад.

            Бино ба иттилои манбаъ, пас аз анҷоми ҷаласа иштирокдорони онро президенти Русия Дмитрий Медведев ба ҳузур хоҳад пазируфт. «Дар кори ҷаласа ба ҷуз котибони шӯрои амнияти кишварҳои узви иттиҳод, инчунин Дабири кулли СҲШ Б.Нургалиев ва мудири Кумитаи иҷроияи Сохтори минтақавии зиддитеррористии созмон М.Субанов низ иштирок мекунанд», - афзуд манбаъ.