Душанбе. 27-уми май. ОИ «Азия-Плюс» - То 20-уми майи соли ҷорӣ хоҷагиҳои пиллапарварии ҷумҳурӣ зиёда аз 850 тонна пилла тайёр карданд.

            Чӣ тавре ки ба ОИ «Азия-Плюс» корманди хадамоти матбуоти Вазорати энергетика ва саноати ҶТ Тоҷинисо Азизова иттилоъ дод, соли ҷорӣ хоҷагиҳо тибқи нақша бояд 2 ҳазору 729 тонна пилла тайёр намоянд. «Хоҷагиҳои ноҳияи Ҳисор 30 тонна пилла парвариш карда, иҷрои нақшаро дар ҳаҷми 101 дарсад таъмин сохтанд», - гуфт ӯ.

            Ба гуфтаи Т.Азизова, соли ҷорӣ ба хоҷагиҳо 45 ҳазор қуттии кирмак тақсим карда шуд, ки 10 ҳазор қуттии он дар дохил ва ҳудуди 34 ҳазори он дар хориҷи кишвар парвариш ёфтааст. «Тақсими қуттиҳо то 15 март идома ёфта, ҳамаи хоҷагиҳо бо миқдори зарурии қуттии кирмак таъмин гардиданд», - афзуд вай.