Душанбе. 29-уми май. ОИ «Азия-Плюс» - Имрӯз дар нахустин меҳмонхонаи панҷситорадори Тоҷикистон – «Haytt Regency»-и шаҳри Душанбе ҳамоиши соҳибкорони Тоҷикистону Туркия ба кор шурӯъ мекунад.

            Чӣ тавре ки ба ОИ «Азия-Плюс» аз Кумитаи давлатии сармоягузорӣ ва идораи амволи давлатии ҶТ иттилоъ доданд, ҳайати ҷониби Туркия, ки баҳри иштирок дар ҳамоиш ба Душанбе ташриф овардааст, беш аз 100 нафарро ташкил медиҳад.

            Бино ба иттилои манбаъ, тибқи барномаи чорабинӣ нахуст мулоқоти дуҷонибаи ҳайати кишварҳо доир гардида, сипас соҳибкорони Тоҷикистону Туркия лоиҳаҳои сармоягузории худро муаррифӣ месозанд. Др нимаи дуввуми рӯз сарони кишварҳои Тоҷикистону Туркия Эмомалӣ Раҳмон ва Абдулло Гул аз ҳамоиш боздид хоҳанд кард.

            Мувофиқи маълумоти Кумитаи омори ҶТ, муомилоти молӣ миёни Тоҷикистону Туркия дар моҳҳои январ-апрел 57 млн. 786,5 ҳазор доллари ИМА-ро ташкил медиҳад.