Душанбе. 12-уми июн. ОИ «Азия-Плюс» - Имрӯз дар Тоҷикистон Рӯзи Русия ҷашн гирифта мешавад. Чорабиниҳои асосӣ дар театри ба номи Маяковский дар шаҳри Душанбе доир мегарданд.

Дар ин театр рӯзона барои кӯдакон ва шомгоҳон ба тамошобинон спектакл намоиш дода мешавад. Дар Донишгоҳи давлатии Хоруғ ба ифтихори ин ҷашн чорабиниҳои идона баргузор шуда, дар он донишҷӯёну омӯзгорон ва дастаҳои ҳунарӣ ширкат хоҳанд варзид.

Қобили зикр аст, ки ба ифтихори ҷашни мазкур аз 8 то 12-уми июн дар радиои «Азия-Плюс», радиои «Тироз»-и вилояти Суғд ва шабакаи телевизиони шаҳри Хоруғ ба таври мустақим озмуну викторинаҳо барпо шуда, ғолибон бо тӯҳфаҳо сарфароз гардиданд.