Душанбе. 13-уми июн. ОИ «Азия-Плюс» - Бонки ҷаҳонӣ баҳри дастгирии буҷаи давлатии Тоҷикистон ба маблағи зиёда аз 20,5 млн. $ бурси саввум ҷудо кард.

Чӣ тавре ки ба ОИ «Азия-Плюс» аз Вазорати молияи ҶТ иттилоъ доданд, бурс дар чаҳорчӯбаи Барномаи ҳукумати ҶТ ва БҶ барои таҳияи сиёсати чорабиниҳо бо мақсади рушд ҷудо гардидааст.

Ба иттилои манбаъ, маблағи ҷудогардида ба пардохти саривақтии қарзҳои хориҷӣ ва роҳандозии ислоҳот дар бахши иҷтимоӣ равона хоҳад гардид.

Ёдрас мекунем, ки Созишнома миёни ҳукумати ҶТ ва Бонки ҷаҳонӣ оид ба маблағгузории Барномаи саввуми бурсӣ барои таҳияи сиёсати чорабиниҳо моҳи апрели соли ҷорӣ дар шаҳри Душанбе ба имзо расида буд.