Душанбе. 1-уми июл. ОИ «Азия-Плюс» - Аз рӯи натиҷаҳои нимсолаи аввали соли ҷорӣ Тоҷикистон миёни собиқ кишварҳои Иттиҳоди Шӯравӣ аз рӯи афзоиши қурби расмии доллари ИМА нисбат ба асъори миллӣ мақоми дуввумро ишғол кард. Дар ин бора ширкати иттилооти «БелаПАН»-и Белорус иттилоъ медиҳад.

Мувофиқи маълумоти БелаПАН, дар моҳҳои январ-июни соли ҷорӣ қурби расмии доллари ИМА нисбат ба асъори миллӣ дар Тоҷикистон ба андозаи 27,47 дарсад (аз 3,4519 то 4,4 сомонӣ) афзудааст.

Дар нимсолаи аввал қурби расмии доллари ИМА нисбат ба асъори милӣ дар Белорус ба миқдори – 28,95, Қазоқистон – 24,54, Арманистон – 17,39, Қирғизистон – 9,8, Молдова – 8,11, Русия – 6,5, Ӯзбекистон – 6,4, Латвия – 1,21, Литва – 0,55 ва Озрбойҷон – 0,39 дарсад афзудааст. Дар Туркманистон қурби доллари ИМА тағйир наёфтааст (2,85 манат).

Дар ин давра дар Эстония қурби расмии доллари ИМА нисбат ба асъори миллӣ ба андозаи – 0,05, Гурҷистон – 0,55 ва Украина – 0,91 дарсад коҳиш ёфтааст.