Душанбе. 2-юми июл. ОИ «Азия-Плюс» - Имрӯз дар шаҳри Душанбе бо ташаббуси Иттифоқи журналистони Тоҷикистон ва Институти «Ҷамъияти Кушода» Бунёди Мадад - Тоҷикистон таҳти унвони «ВАО дар шароити бӯҳрони молӣ» мизи мудаввар ба кор шурӯъ кард. Дар кори мизи мудаввар намояндагони васоити ахбори умуми митақаҳои ҷумҳурӣ, коршиносон ва олимон ширкат меварзанд.

            Дар суханронии ифтитоҳии худ раиси Иттифоқи журналистони Тоҷикистон Акбаралӣ Сатторов изҳор дошт, ки дар давоми рӯз масоили ба ҳадди камтарин расонидани таъсири оқибатҳои бӯҳрони молӣ ба ВАО-и Тоҷикистон ва стратегияи дастгирии ВАО дар шароити бӯҳрон мавриди баррасӣ қарор мегиранд.

            Номбурда гуфт, аз рӯи натиҷаҳои мизи мудаввар қабули изҳороти ВАО-и кишвар ба ҳукумати ҷумҳурӣ дар мавриди дастгирии ВАО дар давраи бӯҳрони молӣ ба нақша гирифта шудааст. «Мо ният дорем Ситоди зиддибӯҳроии журналистони Тоҷикистонро низ таъсис диҳем», - афзуд А.Сатторов.