Бахтиёр Валиев

            Хуҷанд. 24-уми июл. ОИ «Азия-Плюс» - Дар вилояти Суғд шумори хизматчиёни давлатӣ ба миқдори 48 нафар афзуд.

            Чӣ тавре ки ба ОИ «Азия-Плюс» сардори раёсати молияи вилоят Анвар Мирзоев иттилоъ дод, аз ин миқдор 39 ҷойи корӣ барои хадамоти назорат дар соҳаи маориф ва 9 ҷой дар шӯъбаҳои сохтмону меъмории шаҳру ноҳияҳо ҷудо шудааст. «Айни замон шумори умумии хизматчиёни давлатӣ дар вилояти Суғд 2140 нафарро ташкил медиҳад», - гуфт ӯ.

            Ба гуфтаи А.Мирзоев, музди меҳнати ҳадди аққали хизматчиёни давлатӣ дар вилоят ба 200 сомонӣ ва ҳадди ниҳоӣ ба 700 сомонӣ баробар аст.