Муаллифони беҳтарин наворҳои видеоӣ дар мавзӯи “Деҳи ман як пораи хоки ватан” соҳиби мукофот шуданд.

Озмуни мазкур моҳи июни соли ҷорӣ эълон шуда, наворҳоро аз манотиқи гуногуни Тоҷикистон ҷамъ овард. Иштирокдорони он бояд дар як навори 60-сониягӣ аз табиат, одамон, зиндагӣ, мушкилот ва далелҳои ҷолиби деҳаи худ нақл мекарданд. Ҳар навор бояд ба суоли “Чаро ҷаҳониён бояд деҳаи шуморо бубинанд?” посух медод.

Ин видеоҳо дар торнамои Радиои Озодӣ ва сафаҳоти он дар YouTube, Facebook, Instagram, Telegram ва Одноклассники нашр шуда, садҳо ҳазор нафар онҳоро тамошо карданд.

Тибқи хулосаи 13 аъзои ҳакамон, ки аз зумраи синамогарони касбӣ, шоирон ва рӯзноманигорону блогнависон буданд, видеои Файзалӣ Сафаров аз деҳаи Лайрони болои ноҳияи Сангвор беҳтарин дониста шуд. Дар маросими супоридани ҷоизаҳо, ки имрӯз дар толори меҳмонхонаи “Hilton” баргузор шуд, роҳбарияти бахши тоҷикии Радиои Озодӣ ба ӯ шоҳҷоиза – видеокамера тақдим кард.

Ҷойҳоии дуввуму сеюмро Фурӯзонфар Искандаров барои навор аз деҳаи Табушн дар ноҳияи Кӯҳистони Мастчоҳ ва Амрина Абдуназарова барои видео аз ноҳияи Ишкошим соҳиб шуданд. Ба онҳо планшет ва смартфон туҳфа гардид.

1/3

Радиои Озодӣ дар гузашта низ чунин озмунҳоро зери унвони “Ончӣ мебинам” ва “Хотираҳои СССР” роҳандозӣ карда, ба ғолибон ҷоизаҳо супоридааст.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.