Кормандони милитсияи шаҳри Душанбе ҷавони 19-соларо ба гумони даст доштан дар одамкушӣ боздошт карданд.

Бино ба иттилои ВКД, ҳангоми гузаронидани чорабиниҳои оперативӣ-ҷустуҷӯйӣ аз ҷониби кормандони милитсияи шаҳри Душанбе як ҷавони сокини ноҳияи Сино дастгир шудааст. Ӯ дирӯз тахминан соати 07:40 дақиқа дар кӯчаи Борбади шаҳри Душанбе бо ҷавони 17-солаи сокини кӯчаи Ҳаёти Нав вохӯрда, аз сабаби муноқиша бо корд 1 маротиба ба қафаси синааш зада, аз ҷойи ҳодиса гурехтааст.

Дар натиҷа ноболиғ ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Аз рӯйи ин ҳодиса парвандаи ҷиноятӣ оғоз шуда, тафтишот идома дорад.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.