Толибон наздик ба сад хонаводаро дар Андаробҳои вилояти Бағлон, ки манотиқи тоҷикнишин мебошанду бо ин гурӯҳ дар мухолифати сахти фикриву низомӣ қарор доранд, иҷборан кӯчонидаанд. "Афғонистон интернейшнл" навиштааст, ки бино ба ёфтаҳои ин расона танҳо дар вулусволӣ (ноҳия)-ҳои Пулиҳисор ва Деҳсалоҳ 73 хонаводаро толибон маҷбур ба кӯчбандӣ кардаанд.
Толибон ин хонаводаҳои деҳқону кишоварзонро бо иттиҳомӣ ҳамкорӣ бо Ҷабҳаи муқовимати миллии Афғонистон, таҳти раҳбарии Аҳмади Масъуд кӯчонидаанд.
Дар Андароб чанд ноҳияе мавҷуд аст, ки дар миёни мардуми маҳаллӣ бо номи Андаробҳо маъруфанд.
"Афғонистон интернейшнл" менависад, ки бино ба иттилое, ки дар ихтиёри ин расона қарор гирифтааст, дида мешавад, ки ҳамаи ин хонаводаҳо ғайринизомиён буда, ба кишоварзӣ машғул будаанд.
Толибон ин хонаводаҳоро аз хонаҳояшон берун кардаву хонаҳояшонро ба қароргоҳҳои низомии худ табдил додаанд. Толибон ба хонаводаҳое, ки кӯч дода шудаанд, гуфтаанд, ки онҳо ҳаққи зиндагӣ дар 9 вилояти шимолии Афғонистонро надоранд.
Манбаъҳои маҳаллӣ гуфтаанд, ки Толибон ба ин хонаводаҳо ва бошандагони дигари Андаробҳо ҳушдор додаанд, ки агар хонаҳояшонро тарк накунанд, оқибати он ба дӯши худи онҳо хоҳад буд.
Пас аз авҷ гирифтани ҳамла ва ҷангҳои неруҳои Ҷабҳаи муқовимати миллии Афғонистон дар Панҷшер ва Андаробҳо иттилоте нашр мешавад, ки Толибон дар ин манотиқ ба қатл ва кӯч додании маҷбурии сокинони маҳаллӣ даст мезананд.
Ин кушторҳо ва кӯчҳои иҷборӣ аз сӯйи Толибон вокунишҳои зиёди дохиливу хориҷӣ дар пай дошт.
Ҳафтаи гузашта, Ричорд Бант, гузоришгари махсуси ҳуқуқи башари СММ пас аз поёни сафари 11-рӯзааш дар Афғонистон, гуфта буд, ки дар ин маврид иттилооти зиёде ба даст овардааст ва онро барои баррасӣ ба мақомоти марбути СММ расонидааст.
Аммо Толибон то имрӯз гузоришҳо дар мавриди кӯч додан ва қатли бошандагони Панҷшеру Бағлонро рад мекунанд.
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Эмомалӣ Раҳмон дар робита ба ҳалокати Саидиброҳим Раисӣ ва ҳайати ҳамроҳаш изҳори ҳамдардӣ кард
Тайи 10 сол Чин ба иқтисоди Тоҷикистон 3,8 млрд доллар сармоягузорӣ кард
Хисороти боришоти шадиди рӯзҳои ахир дар кишвар
Тотористон ронандагон ва муҳандисони тоҷикро ба кор ҷалб кардан мехоҳад
Хадамоти алоқа: ширкатҳои мобилӣ дар се моҳ беш аз 1 млрд сомонӣ даромад ба даст овардаанд
Иброҳим Раисӣ ва ҳамроҳонаш ба ҳалокат расидаанд. Ноиби раиси ҷумҳури Эрон ин хабарро расман тасдиқ кард
Чархболи суқуткардаи Иброҳим Раисӣ пайдо шуд, аммо тақдири ӯ ва ҳамроҳонаш норӯшан аст
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Кулли ахбор
Авторизуйтесь, пожалуйста