Дар се боғчаи шаҳри Роғун аз ҳисоби ҳақмузди кормандон зиёда аз 2,5 млн сомонӣ тасарруф карда шудааст. Дар ин бора Оҷонсии зиддифасоди Тоҷикистон хабар медиҳад.

Ба иттилои манбаъ, дар муассисаҳои бачагонаи №1, №20 ва №21 шаҳри Роғун муайян гардидааст, ки аз ҳисоби фонди музди меҳнатӣ кормандон зиёда аз 2,5 млн сомонӣ тассаруф шудааст.

Гуфта мешавад, ин ҳолати тасарруфи маблағ дар асоси нақшаи тафтишу санҷишҳои молиявии Оҷонсии зиддифасод барои солҳои 2021-2022 дар филиали “Амонатбонк” дар шаҳри Роғун ошкор гардидааст.

Оҷонсии зиддифасод менависад, вобаста ба ҳолати мазкур маводҳои санҷиши молиявӣ барои қабули қарори қонунӣ ба сохторҳои дахлдори ин ниҳод пешниҳод гардидаааст.

Манбаъ мегӯяд, ҳолати мазкур ҳоло мавриди баррасӣ қарор дорад.

Дар Telegram, Facebook, Instagram, OK ва ВК бо мо бимонед.