Имрӯз, 1-уми ноябр, Эмомалӣ Раҳмон, президенти Тоҷикистон бо мақсади шиносоӣ бо корҳои бунёдкорию созандагӣ, ифтитоҳи иншооти нав, шиносоӣ бо рафти корҳои саҳроӣ ва мулоқот бо мардум ба вилояти Хатлон сафар кард.

Сафари кории президент аз ноҳияи Қубодиён оғоз гардид. Дар ин ноҳия Эмомалӣ Раҳмон нахуст Муассисаи таҳсилоти миёнаи умумии рақами 11-ро ифтитоҳ намуда, барои бунёди муассисаи томактабӣ санги асос гузошт.

Баъдан президенти кишвар аз ҷараёни дарави шолӣ дар Хоҷагии деҳқонии “Бобои Ҷӯра” ва намоиши маҳсулоти кишоварзӣ боздид намуд.

Дар кӯчаи Исмоили Сомонии ноҳияи Қубодиёни вилояти Хатлон Эмомалӣ Раҳмон майдони Парчами давлатии Ҷумҳурии Тоҷикистонро мавриди баҳрабардорӣ қарор дод.

Сафари кории президен ба вилояти Хатлон ҳоло идома дорад.

Дар Telegram, Facebook, Instagram, OK ва ВК бо мо бимонед.