Дар бозори молҳои маишии “Қубод”-и ноҳияи Қубодиён субҳи имрӯз, соати 04:50  дақиқа сӯхтор сар зад.

Тавре ки ба “Азия-Плюс” аз Хадамоти оташнишонии ҷумҳурӣ хабар доданд, оташ ба сурати умум майдони 655 метри мураббаъро фаро гирифтааст.

“Оташ майдони 655 метри мураббаъро, ки дар он иншооти савдо ва хидматрасонӣ ҷойгир буданд, фаро гирифт. Бо сафарбар гардидани захираҳои иловагӣ сӯхтор то соати 07:05-и субҳ пурра хомӯш карда шуд”, - гуфт манбаъ.

1/2

Айни замон гурӯҳи корӣ сабабҳои сар задани сӯхтор ва зиёни расида ба иншоотро таҳқиқ мекунад. Хушбахтона, талафоти ҷонӣ ба қайд гирифта нашудааст.

“Интизорӣ дорем, ки пас аз анҷоми кори гурӯҳ аз онҳо маълумоти дақиқ ва ҷузъиёти ҳодисаро дастрас мекунем”, - гуфтанд дар хадамот.

Дар Telegram, Facebook, Instagram, OK ва ВК бо мо бимонед.