Дар ноҳияи Шаҳритус сокини маҳаллӣ Гулбаҳор Исимоваи 49-сола бо иттиҳоми машғул шудан ба фолбинӣ ва ҷодугарӣ дастгир карда шуд. Дар ин бора Вазорати корҳои дохилии Тоҷикистон иттилоъ медиҳад.

Ба гуфтаи манбаъ, Исимова аз ашёи гуногун, аз ҷумла шамъ, ресмон, калид ва қулф истифода карда, иддао кардааст, ин ба ӯ имкон медиҳад, ки бемориҳоро табобат кунад.

Ба иттилои манбаъ, ӯӮ бо ин роҳ “пули муфт” ба даст меовардааст.

Назари худи зан ва наздикону вакили дифоаш маълум нест.

Нисбати номбурда бо моддаи 482, қисми 1-и Кодекси ҳуқуқвайронкунии маъмурии ҶТ (машғул шудан ба сеҳру ҷоду ва фолбинӣ) протоколи маъмурӣ тартиб дода шудааст.

Гуфтан ба маврид аст, ки дар моддаи мазкур ҷарима ба шахсони воқеӣ ба андозаи аз 40 то 50 нишондиҳанда барои ҳисобҳо (як ҳисоб ба 68 сомонӣ баробар аст) пешбинӣ мешавад.

Агар ин кирдор дар давоми як соли баъди таъйини ҷазои маъмурӣ такрор шавад, гунаҳкор ба андозаи аз 60 то 100 нишондиҳанда барои ҳисобҳо ҷарима мешавад.

Дар Telegram, Facebook, Instagram, OK ва ВК бо мо бимонед.