Раиси ҷумҳури Тоҷикистон Эмомалӣ Раҳмон бо судури як фармон се додрас дар вилояти Суғдро бинобар расидан ба синни ниҳоии дар вазифаи судя будан аз вазифа озод кард.

Дар ин бора хадамотии матбуоти Президенти Тоҷикистон хабар медиҳад.

Ба иттилои манбаъ, Раҳматзода Исмоил аз вазифаи муовини раиси суди вилояти Суғд, Усмонзода Одилбой Очилбой аз вазифаи муовини раиси суди ноҳияи Ҷаббор Расулови вилояти Суғд ва Усмонзода Шоғуфронро аз вазифаи раиси суди ҳарбии гарнизони Хуҷанд озод карда шуданд.

Бояд гуфт, ки дар Тоҷикистон мутобиқи меъри қонунгузорӣ барои фаъолияти додрасҳо муҳлати муайян муайян гардадааст ва баъди анҷоми муҳлати муайяншуда, додрасҳо аз вазифа озод карда мешаванд.

Аммо ҳолатҳое ҳам будааст, ки додрасҳои алоҳида пеш аз анҷоми муҳлат, барои “кирдоре, ки шаъну эътибори судяро паст мезанад” аз кор озод шудаанд.

Дар Telegram, Facebook, Instagram, OK ва ВК бо мо бимонед.