Дар намоишгоҳи байналмилалии сайёҳӣ дар Берлин, ки айни ҳол ҷараён дорад, Тоҷикистонро роҳбарияти Кумитаи рушди сайёҳӣ, Донишгоҳи байналмилалии сайëҳӣ ва соҳибкорӣ ва даҳҳо ширкати сайёҳии ватанӣ муаррифӣ мекунанд.

Аз ҷумла, дар ин намоишгоҳ намояндагони бахши сайёҳии шаҳрдории Душанбе, ширкатҳои сайёҳии ватании “Сайри Диёр”, “Сомон Трэвал”, “Силквей Эдвенче”, “Артуч”, “Асри 21”, корхонаи “Асрори санг”, “Нур Арт” ва ширкати ҳавопаймоии “Сомон Эйр” иштирок доранд, ки тули чанд рӯз зарфиятҳои сайёҳии мамлакатро ба дӯстдорони сайру сайёҳат муарифӣ мекунанд.

Бояд гуфт, дар ҷараёни ин намоишгоҳ аз ҷониби тарабхонаҳои “Бухоро” ва “Зирбак” барои меҳмонон оши палав, ки ба феҳристи мероси ғайримодии созмони ҷаҳонии ЮНЕСКО ворид карда шудааст, таҳия ва пешкаш карда шуд.

Дар Telegram, Facebook ва Instagram бо мо бимонед.