Эмомалӣ Раҳмон, раисҷумҳури Тоҷикистон, дар ҷараёни сафараш ба вилояти Суғд гуфт, бояд “шиддати муҳоҷирати меҳнатиро то тавонем коҳиш диҳем”. Инчунин, сарвари давлат таъкид кард, ки “мо намегузорем ба иззати нафси миллати тоҷик расанд”.
Ин нукотро Эмомалӣ Раҳмон дар суханрониаш дар маросими ифтитоҳи Қалъаи Хуҷанд иброз дошт, ки навори онро ТВ “Тоҷикистон” нашр кардааст.
Сарвари давлат гуфт, “дар шароити имрӯза мо бояд ҳарчи бештар кор кунем, заҳмат кашем, созем, Ватанамонро боз ҳам обод гардонем, истеҳсоли маҳсулотро афзоиш диҳем, коргоҳу корхонаҳои истеҳсолӣ бунёд намоем, барои ҳамдиёронамон ҷойҳои корӣ муҳайё кунем ва шиддати муҳоҷирати меҳнатиро то тавонем коҳиш диҳем”
Эмомалӣ Раҳмон афзуд, “ин яке аз вазифаҳои роҳбарон аст, аз роҳбари давлат сар карда то тамоми зинаҳои хидматчиёни давлатӣ, тамоми соҳибкорон, ҳар як фарди бонангу номуси миллати тоҷик аст, ки технологияи ҳозирзамон ворид кунем ва ҷойҳои нави кори бунёд кунем”.
“Мо нагузорем, ки мардуми мо муҳтоҷ ба дигрон шаванд! Нагузорем! Мо нангу номус дорем! Мо намегузорем, ки ба иззати нафси миллати тоҷик расанд”, - таъкид кард раисҷумҳури Тоҷикистон.
Ӯ бидуни зикри мушаххас иброз дошт, ки “ман мефаҳмам, ин мушкилиҳо муваққатӣ ҳастанд ва яку якбора ҳамаи онро паси сар кардан бисёр душвор аст. Лекин (паси сар, - идора) мекунем, иншоаллоҳ, ояндаи Тоҷикистон дурахшон аст!”.
Бояд гуфт, ки Эмомалӣ Раҳмон рӯзи 9-уми апрел бо сафари корӣ ба вилояти Суғд рафт ва дар шаҳрҳои Хуҷанд, Гулистон, Истаравшан ва ноҳияи Бобоҷон Ғафуров даҳҳо иншоотро ба истифода дод.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста