Танҳо дар як ҳафтаи охир (13-19-уми май дар назар аст. -Идора) 1200 муҳоҷири кории тоҷик оид ба боздошти ғайриқонунӣ, нақзи ҳуқуқашон аз сӯи пулиси Русия ва қарорҳои беасоси ихроҷашон аз сӯи додгоҳҳои ин кишвар ба ҳуқуқшиноси Шӯрои ҷамъиятии назди Сафорати Тоҷикистон дар Русия шикоят кардаанд. Дар ин бора Шӯрои ҷамъиятӣ хабар медиҳад.
Манбаъ гуфтааст, ба шаҳрвандони Тоҷикистон тавсия ва машваратҳои ҳуқуқӣ дода шуда, масъалаҳои марбутаи шаҳрвандон барои баррасии минбаъда аз ҷониби ҳуқуқшиносони Шӯрои ҷамъиятӣ қабул карда шуданд.
Ин ниҳоди ҷамъиятӣ гуфтааст, ҳар ҳафта рӯзи шанбе ҳуқуқшиносони онҳо шаҳрвандони Тоҷикистонро дар бинои сафорат қабул ва дар робита ба мушкилашон тавсияву машваратҳои ҳуқуқӣ медиҳанд.
“Дар давоми ҳафтаи равон ба ҳуқуқшиносони Шӯрои ҷамъиятӣ зиёда аз 1200 нафар шаҳрвандони Ҷумҳурии Тоҷикистон – муҳоҷирони меҳнатӣ вобаста ба гирифтани тавсия ва машваратҳои ҳуқуқӣ муроҷиат намуданд”, - гуфтааст Шӯрои ҷамъиятии назди Сафорат.
Ин ниҳоди ҷамъиятӣ аз шаҳрвандони Тоҷикистон, ки дар Русия қарор доранд, даъват кардааст, вобаста ба масъалаҳои ҳуқуқии худ ба Шӯрои ҷамъиятӣ, воқеъ дар бинои нави Сафорати Тоҷикистон дар Русия, шаҳри Маскав, кӯчаи 2-юми Тверская- Ямская, хонаи 40\3 муроҷиат кунанд.
Бояд гуфт, ки ин Шӯро як ниҳоди машваратии ҷамъиятӣ буда, дар назди Сафорати Тоҷикистон дар Русия таъсис ёфтааст.
Муроҷиати ҳазорон шаҳрванди Тоҷикистон ба Шӯрои ҷамъиятии назди Сафорат дар ҳолест, ки дар ин кишвар беш аз як миллион муҳоҷири кории тоҷик кор мекунанд ва пайваста зери фишори мақомоти қудратии Русия қарор доранд.
Махсусан, баъди ҳодисаи “Крокус Сити Ҳол”-и Русия, ки дар он чанд шаҳрванди Тоҷикистон ҳамчун гумонбар боздошт шудаанд, фишор болои муҳоҷирон ҳам дар дохили Русия ва ҳам дар гузаргоҳҳои сарҳадии ин кишвар бештар шуд.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста