Пагоҳ, 25-уми июл, аз соати 6:00 субҳ то 16:00-и бегоҳ интиқоли оби нӯшокӣ дар як қатор маҳаллаҳои шаҳри Душанбе қатъ мешавад. Дар ин бора КВД "Обу корези Душанбе" хабар дода, аз сокинон ва меҳмонони пойтахт хостааст, ки об захира кунанд.

Ин ниҳод гуфтааст, ки интиқоли об бо фармони раиси шаҳри Душанбе Рустами Эмомалӣ қатъ гардида, ҳадафи он “дарёфт намудани ҷасади шахси ғарқшуда ва тибқи нақшаи чорабиниҳои тасдиқгардидаи Раёсати КҲФ шаҳри Душанбе гузаронидани корҳои ҷустуҷӯӣ” мебошад.

Корҳои ҷустуҷӯӣ дар канали дериватсионии неругоҳи барқӣ – обии 2-и филиали Силсиланерӯгоҳҳои Варзоб гузаронида мешавад.

Ҳамин тариқ, интиқоли оби нӯшокӣ:

- дар ноҳияи Исмоили Сомонӣ дар маҳаллаҳои Хуҷамбиёи боло ва поён, Шафақ, А. Соатов, Амиршоев, Заҳматобод, Саҳбо, Қ. Раҳимов, Анзоб, Гулистон, Зайнаб-бибӣ, У. Хайём ва Сари-Осиё, кӯчаҳои П. Толис, Гагарин, Сурхоб, Меҳнат, Карамов, Шевченко, хиёбони Рӯдакӣ (аз буриши кӯчаи У. Хайём то кӯчаи С. Ғанӣ), инчунин Боғи С. Айнӣ, Беморхонаи ҷумҳуриявӣ ва шаҳрчаи тандурустӣ;

- дар ноҳияи Шоҳмансур дар маҳаллаҳои Н. Муҳаммад, Қӯрғон, Хоруғ, Баҳорӣ, Бадахшон - 1 ва 2, кӯчаҳои Д. Халқҳо, А. Дониш, Истаравшан, Ҳусейнзода, Нарзиқулов, Ак. Раҷабовҳо ва С. Айнӣ аз биноҳои 1 то 77;

- дар ноҳияи Сино дар маҳаллаҳои 10, 11, 12, 13, 14, 15, 15А, 31, 82, 83, 84, 91, 92, 101, 102, 103, 104, 112, Зарафшон 1 ва 2, Испечак 1 ва 2, Муҳандис, Меҳробод, М. Ҳамадонӣ, Навободи боло ва поён, Буни Ҳисорак, Деҳи боло, Панҷруд, Ободкорон, Бунёдкорон, Лучоби боло ва поён, Комсомол, Қазоқон - 1 ва 2, Мовароунаҳр, Камонгарон, Шишхона, Яккачинор, Ҳаёти нав, Қарамишикор ва кӯчаи Бобо Ҳамдам;

- дар ноҳияи Фирдавсӣ, кӯчаҳои Қаҳҳоров, Миралӣ, Мушфиқӣ, Соҳилӣ, Н. Қарабоев то кӯчаи Шестопалов, шаҳракҳои 23, 24, маҳаллаҳои Равшангарон, Дарвоз, Яккачинор ва Маркази истеҳсоли барқу гармидиҳии шаҳри Душанбе қатъ мешавад.

Корхонаи “Обу корези Душанбе” аз сокинони пойтахт хоҳиш крадааст, ки “дар ин рӯз миқдори зарурии обро захира намоед”.

Дар Telegram, Facebook ва Instagram бо мо бимонед.