Дар шаҳри Бохтар аз 300 ҳазор сомонии барои таъмиру барқарорсозии техникаҳои соҳаи коммуналӣ ҷудогардида 70 ҳазорашро дуздидаанд. Аз ин рӯ Давлаталӣ Саид, раиси вилояти Хатлон хостааст, корхонаи коммуналии шаҳри Бохтар ба мувозинати шаҳр гузаронида шавад.
Чанд сол пеш барои дуруст ба роҳ мондани фаъолияти Корхонаи давлатии фаръии “Хоҷагии коммуналӣ”-и шаҳри Бохтар дар доираи лоиҳаи “Идоракунии партовҳои сахти маишии шаҳри Бохтар” 12 адад техникаи нав ба маблағи 1 миллиону 229 ҳазор доллари амрикоӣ харидорӣ шуд. Пас аз чанде маълум шуд, ки қисме аз он корношоям шудаанд.
Барои таъмири онҳо аз ҳисоби буҷети вилоят 300 ҳазор сомонӣ ҷудо гардид, вале Давлаталӣ Саид, раиси вилояти Хатлон мегӯяд, ки аз маблағи ҷудошуда 70 ҳазор сомониашро дуздидаанд.
“Ду техника ба маблағи 200 ҳазор сомонӣ барқарор шудааст. Тафтиши прокурори вилоят муайян кард, ки 70 ҳазор сомониро дуздидаанд”, - гуфт Давлаталӣ Саид.
Раиси вилоят камфаъолиятии соҳаи коммуналии шаҳри Бохтарро бори дигар зикр карда, таъкид намуд, ки ин сохтор наметавонад бо имкониятҳое, ки имрӯз дорад, мушкили партовҳои шаҳрро ҳал кунад.
![](https://asiaplustj.info/sites/default/files/articles/339507/%D0%B4%D0%B0%D0%B2%D0%BB%D0%B0%D1%82%D0%B0%D0%BB%D3%A3%20%D1%81%D0%B0%D0%B8%D0%B4%202.jpg)
Аз ин лиҳоз пешниҳод намуд, ки корхона ба мувозинати шаҳр гузаронида шавад.
“Ба Ҳукумати Ҷумҳурии Тоҷикистон пешниҳод кардем, ки корхонаҳои коммуналии шаҳр ба мувозинаи шаҳри Бохтар гузаронида шавад. Ҳоло масъала дар баррасии Ҳукумати ҷумҳурӣ қарор дорад”, - шарҳ дод ӯ.
Бояд гуфт, сухан сари 12 адад техникае меравад, ки соли 2018 ба Корхонаи давлатии фаръии “Хоҷагии коммуналӣ”-и шаҳри Бохтар дода шуд. Аз ҷумла, ба маблағи 1 миллиону 229 ҳазор доллари амрикоӣ 5 КАМАЗ-и партовкашон, КАМАЗ-и боркаш, як техникаи борбардор ва базараргардонӣ харидорӣ шуда буд.
Аммо ҳоло қарз пурра пардохт нашуда, нисфи техникаи харидоригардида корношоям шуд.
Алишер Тағоймуродов, сармуҳандиси КФД “Хоҷагии комуналӣ” дар шаҳри Бохтар соле пеш гуфта буд, ки 6 техникаи харидашуда корношоям шудаанд ва мақомоти шаҳри Бохтар роҳи ҳалли ин мушкилро дар ҷалби мошинҳои шахсӣ ба кашонидани партов пайдо кардаанд. Мошинҳои боркаши шахсӣ тариқи шартнома ба кор ҷалб шудааст.
Аз сафар ба Русия муваққатан худдорӣ кунед! Тавсияи Сафорати Тоҷикистон дар Русия ба шаҳрвандони Тоҷикистон
“Қонуни тиб”-и Сино барандаи Шоҳҷоиза шуд
Гигабайтҳои гарон. Оё тоҷикон метавонанд ба интернети арзон умед банданд?
Шиносномаи дохилиро гум кардед? Чӣ тавр метавон шиносномаи нав гирифт?
Тотористон барои таҳсили тоҷикистониён дар коллеҷҳо 100 квота ҷудо кард
Ҳамлаи бесарнишинҳо кори фурудгоҳҳои Маскавро ба таъхир андохт
Мушакборони ғарби Сурия ва куштори 16 нафар. Сурия Исроилро гунаҳкор кард
“Вазифа”-и нави Шоҳрух Саидзода чист ва чӣ салоҳият дорад?
Мулоқоти навбатии ҳайатҳои Тоҷикистону Қирғизистон барои муайян кардани хатти марз
Боздошт ва ҳабси чор ҷавон барои муноқиша дар маркази Душанбе
Кулли ахбор
Авторизуйтесь, пожалуйста