Агрегати чоруми Нерӯгоҳи барқи обии “Норак” пас аз таҷдид, ба истифода дода шуд. Таҷдиди нерӯгоҳ панҷ сол пеш оғоз гардида буд.
Хадамоти матбуоти раисҷумҳур иттилоъ медиҳад, ки имрӯз, 30-юми август, раисҷумҳури Тоҷикистон зимни сафар ба шаҳри Норак гидроагрегати чоруми НБО “Норак”-ро баъди таҷдид ба истифода дод.
Сафари Президенти кишвар ба шаҳри Норак аз боздиди рафти навсозии НБО “Норак” ва ба истифода додани агрегати чоруми он оғоз гардид. Он бо пахши тугма аз ҷониби раисҷумҳур ба кор дароварда шуда, кори агрегат бо гузоштани танга дар болои он ба талаботи стандартҳои байналмилалӣ ҷавобгӯ арзёбӣ шуд.
Ҳамчунин, президенти кишвар ба масъулин супориш додааст, ки корҳои навсозии дигари агрегат дар мӯҳлати муқарраршуда ва бо сифати баланд ба анҷом расонида шаванд.
Ёдовар мешавем, корҳои таҷдиду азнавсозӣ дар НБО “Норак” ҳанӯз соли 2019 оғоз гардида, барои он 35 миллиону 193 ҳазор евро равона гардид. Ҳамакнун марҳилаи якуми таҷдиди нерӯгоҳ дар ҳоли амалишавӣ қарор дошта, дар доираи он навсозии 3 гирдоагрегати дигар, 3 ҳалқаи барқии комплекси зеризаминӣ, стансияҳои насосии нерӯгоҳ, ивази 27 крани борбардор, лифтҳо, таъмири дарбандҳои бефи поён, таҷдиди дарбандҳои куравӣ, системаи идора ва назорат ба анҷом расонида шудааст.
Ҳамзамон, дастгоҳи тақсимоти пӯшидаи элегазӣ иваз карда шуда, анҷоми ин тадбир сифати истеҳсол ва хизматрасониро беҳтар гардонидааст.
Ёдовар мешавем, ки гидроагрегати якуми нерӯгоҳ баъди навсозӣ 24-уми октябри соли 2022 мавриди истифода қарор дода шуд ва имрӯз бо иқтидори 375 МВт фаъолият дорад.
“Шавҳаратро ёфта биёр, пулатро мерӯёнем”. Саргардонии як зан барои рӯёнидани ҳаққи кӯдаконаш аз падарашон
Боздошти як мард бо гумони фиреби хоҳишмандони кор дар Аврупо
“Хабари паҳнгардида асос надорад!”. Милитсияи пойтахт гуфт, ба аҳолӣ тавассути “WhatsApp” паём нафиристодааст
Раиси як ҷамоатро барои “ҳоҷиошӣ” беш аз 57 ҳазор сомонӣ ҷарима ва аз вазифа барканор карданд
Бекор шудани маҳдудият дар фурӯши гази моеъ нархи онро каме поин кард
Дар Ховалинг мактаберо ба номи як қурбонии низои марзии Тоҷикистону Қирғизистон гузоштанд
Ӯзбекистон расмиёти дохилии тартиби соддакунии боркашонӣ бо Тоҷикистонро ба анҷом расонид
Шаҳрвандии Русия дореду дар қайди ҳарбӣ нестед. Метавонед аз шаҳрвандӣ маҳрум шавед
Оё электромобилҳо метавонанд камбуди мавсимии неруи барқро дар Тоҷикистон зиёдтар кунанд?
Зиндагии маъмулӣ пас аз зиндон. Маҳбусони собиқ чӣ гуна ба он бармегарданд?
Кулли ахбор
Авторизуйтесь, пожалуйста