Мактаби №15-и ноҳияи Ховалингро ба номи Шуҳрат Наҷмиддинзода, афсари Вазорати корҳои дохилии Тоҷикистон, ки моҳи сентябри соли 2022 дар даргириҳои марзӣ миёни Тоҷикистону Қирғизистон ҷон бохта буд, гузоштанд. Дар ин бора волидони Наҷмиддинзода ба “Азия-Плюс” хабар доданд.
Ҷамшед Наҷмиддинзода, падари Шуҳрат Наҷмиддинзода дар як тамоси телефонӣ гуфт, мактабе, ки ба номи писараш гузоштанд, навбунёд буда, дар зодгоҳи афсари ҷонбохта деҳаи Дараи Мухтори деҳоти Ҷомбахти ноҳияи Ховалинг ҷойгир аст.
“Ду сол пеш пешниҳод карда буданд, ки мактаби №15 ба номи фарзанди ҷонбохтаи ман гузошта шавад ва ниҳоят масъулин қарори дахлдорро қабул карданд. Баъдан мо бо маблағи худ “банер” (табло)-и ёдгорӣ ва тарҷумаи ҳолашро омода карда, дар мактаб гузоштем”,-гуфт падари Шуҳрат Наҷмиддинзода.
Мактаби навбунёди №15 рӯзи 4-уми сентябр, як рӯз пеш аз сафари раисҷумҳури Тоҷикистон ба вилояти Хатлон, ифтитоҳ шуд ва дар он раиси вилояти Хатлон, вазири маориф ва илм ва намояндагони ниҳодҳои қудратӣ ширкат карданд.
Момагул Мирзоева, модари Шуҳрат Наҷмиддинзода гуфт, хурсанд аст, ки фарзандаш боиси ифтихори насли нави Тоҷикистон мешавад ва аз доштани чунин писар сарфароз аст.
Қарори Маҷлиси вакилони халқи ноҳияи Ховалинг аз 30-юми июли соли 2023 ва қарори Маҷлиси вакилони халқи вилояти Хатлон аз 25-уми декабри соли 2023 дар бораи номгузории мактаби мазкур ба исми Шуҳратҷон Наҷмиддинзода ба тасвиб расидаанд, ки нусхаи он дастраси “Азия-Плюс” шуд.
Шуҳратҷон Наҷмиддинзодаи 33-сола зодаи ноҳияи Ховалинг буд ва қабл аз кушта шудан дар симмати муовини сардори шуъбаи корҳои дохилӣ дар шаҳри Исфара фаъолият мекард. Ӯ рӯзи 16-уми сентябри соли 2022, ҳангоми муқобилият ба ҳамлаи таҷовузгаронаи Қирғизистон ҷони худро аз даст дод. Аз марҳум 1 духтар ятим монд.
Номгузории мактабу кӯчаву хиёбонҳо барои поси хотири қурбониёни низои марзӣ таҷрибаи нав нест. Қаблан, дар шаҳри Исфара 11 мактаб ва 34 кӯчаи дигар ба номи шаҳидони муноқишаҳои марзӣ гузошта шуда буд.
Ёдовар мешавем, ки 24-уми декабри соли 2022 Эмомалӣ Раҳмон, раисҷумҳури Тоҷикистон Қонун “Дар бораи ҷовидон гардонидани хотираи ҳалокшудагон ҳангоми ҳифзи Ватан”-ро имзо кард ва ҳадафи он гиромидошти хотираи шахсоне, ки ҳангоми ҳифзи Ватан, ҳимояи сохтори конститутсионии кишвар ва иҷрои уҳдадориҳои байналмилалӣ ҳалок шудаанд, мебошад.
“Аудиокитоб” бо Субҳон Ҷалилов. Маснавии маънавӣ. Ҳикояи “Дониши бесамар”
Кушта шудани беш аз 10 кас дар пайи таркиши дастгоҳҳои паёмрасон дар Лубнон
Корфармоёну корҷӯён барои як “дидори кӯтоҳмуддат” дар Душанбе гирдиҳам омаданд
“Рейд” дар марказҳои дилхушӣ. 230 нафар дар доираи амалиёти “Ахлоқ” ба милитсия оварда шуданд
Мусофирони дағал ва хароҷоти зиёд. Нигаронии ронандагони таксӣ аз шеваи бархурди муштариён бо онҳо
Тоҷикистону Ӯзбекистон долони нави ҳавоӣ бунёд мекунанд
Бохти "Истиқлол" дар даври аввали Лигаи қаҳрамонҳои Осиё-2 дар Душанбе
Дар Олимпиадаи шоҳмот мунтахаби мардони Тоҷикистон Португалияро мағлуб кард
"Пештар обрӯяш бештар буд". Имрӯз омӯзгори тоҷик чӣ мақом дорад ва чӣ тавр онро баланд бардорем?
Ҷалби Олмон ба сохтмони “Роғун”. Эмомалӣ Раҳмон дар Остона чӣ гуфту чӣ шунид?
Кулли ахбор
Авторизуйтесь, пожалуйста