Тоҷикистон ҳамчун 17-умин давлат эътироф шуд, ки шаҳрвандонаш метавонанд расман ҳамчун муҳоҷири корӣ ба Кореяи Ҷанубӣ раванд. Ҳадафи кушодашавии “SC Маркази омӯзиши забони кореягӣ ва омодасозии касбӣ” саҳм гузоштан дар ин раванд мебошад.

“Дар як вақт Марказ метавонад то 200 донишомӯзро фаро гирад. Мо муаллимони ҳирфаӣ аз Корея, таҷҳизоти муосир ва барномаҳои натиҷабахш пешниҳод мекунем”, - мегӯяд Со Ҷон Ҳён, директори ин Марказ.

Ифтитоҳи марказ натиҷаи ҳамкориҳои судманди Тоҷикистон бо Кореяи Ҷанубӣ буда, он дар асоси ёддошти тафоҳуми сеҷониба миёни Вазорати саноат ва технологияҳои нави Тоҷикистон, Донишгоҳи технологии Тоҷикистон ва Федератсияи кориягии корхонаҳои хурду миёна таъсис ёфт. Ин маркази омӯзишӣ бо дастгирии ширкати “Шодиёна Консалтинг” роҳандозӣ шудааст.

“Мо таълими босифат, дастгирӣ дар ҳар марҳила ва шароити муносиб барои рушди касбӣ ва мутобиқшавии муваффақона ба муҳити навро пешниҳод менамоем. Барномаи мо барои мардони аз синни 18 то 39 сола пешбинӣ шудааст. Барои донишҷӯёне, каз минтақҳао меоянд, ҳамаи шароити лозима аз ҷумла, хобгоҳ, се вақт хӯроки гарм ва муҳити босифати таълимӣ фароҳам оварда шудааст”, - мегӯяд Хуршед Ниёзов, намояндаи ин марказ.

Дар марказ ҷавононро бо забони кореягӣ, муҳити нави корӣ ва фарҳанги ин кишвар ошно мекунанд. Бартариятҳои он, воситаҳои муосири таълимӣ, муаллимони касбии кореягӣ мебошад.

Муҳити илҳомбахш водор мекунад, ки донишомӯзон то нимаи шаб таълим гиранд. Ҳамчунин, барои баланд бардоштани масъулияти шаҳрвандӣ, коргарон ва донишомӯзони марказ ба корҳои ҷамъиятӣ ҷалб мешаванд.

Маркази таълимӣ якчанд самтро фаро мегирад. Пас аз супоридани имтиҳонро марказ кӯмак мекунад, то хатмакардаҳо раводиди Кореяро ба даст оранд. Пас аз сафар ба ин кишвар онҳоро гурӯҳи махсус дастгирӣ мекунад, ба онҳо суғуртаи тиббӣ дода мешавад, кӯмакӣ ҳуқуқӣ мерасонанд ва ҳамчунин, дар марказ шабонарӯзӣ маркази тамос фаъол мебошад.

Дар Telegram, Facebook ва Instagram бо мо бимонед.