Дар пайи 202 садами нақлиётӣ дар ним сол дар вилояти Хатлон 131 нафар ҳалок шуда, 212 тани дигар ҷароҳат бардоштанд. Дар ин бора пулиси Хатлон иттилоъ дода, садамаҳои нақлиётӣ дар ин вилоятро изтиробангез хондааст.

Ҳамзамон, ин ниҳод омор ва сабабу омилҳои рух додани садама, синну соли ҳалокшудагон ва вақту соатҳои садамаҳоро нашр кардааст.

Ба гуфтаи ин ниҳод, сабаби асосии садамаҳои маргбор дар роҳҳои Хатлон рондани мошин бо суръати баланд аст, ки 46% садамаҳоро ташкил медиҳад.

Дар баргаҳои зерин дар бораи ин садамаҳо муфассал маълумот медиҳем:

 

1/5

Бояд зикр кард, ки ҳар сол дар пайи садамаҳои нақлиётӣ дар кишвар садҳо нафар ҳалок ва ҷароҳат мебардоранд. Аз рӯи омори расмӣ  давоми соли гузашта дар кишвар 1 ҳазору 233 садамаи нақлиётӣ ба қайд гирифта шудааст. Ин дар муқоиса бо соли 2023, 122 ҳолат (соли 2023 –  1 ҳазору 111 садама) бештар будааст.

Дар Telegram, Facebook ва Instagram бо мо бимонед.