Дар доираи Намоишгоҳи байналмиалиии сайёҳии "ITB Berlin-2026", ки дар пойтахти Олмон баргузор шуд,  ширкатҳои сайёҳии Тоҷикистон бо шарикони аврупоӣ зиёда аз 20 созишномаи ҳамкорӣ ба имзо расониданд.

Аз Кумитаи рушди сайёҳӣ ба “Азия-Плюс” хабар доданд, ҳайати Тоҷикистон дар ҷараёни мулоқот бо ширкатҳои аврупоӣ масоили густариши ҳамкориҳо, роҳандозии сафар ва сайру саёҳатҳо ва ҷалби сармоягузорӣ ба бахши сайёҳии кишварро мавриди баррасӣ додаанд.

Акс аз Кумитаи рушди сайёҳии назди ҳукумати Тоҷикистон

 

Ба иттилои манбаъ, Имомуддин Сатторов, сафири Тоҷикистон дар Олмон дар чаҳорчӯби ин намоишгоҳ бо Мирослав Рончак,  коршиноси байналмилалӣ дар соҳаи сайёҳӣ дидору гуфтушунид кардааст. Ин ниҳод мегӯяд, ҷонибҳо доир ба ташкили форуми муштараки сайёҳӣ дар шаҳри Душанбе дар соли 2027 ба мувофиқа расиданд.

1/2

 

"Ҳадаф аз форум ҷалби сайёҳон аз Олмон ва дигар кишварҳои аврупоӣ, инчунин роҳандозии барнома ва хатсайрҳои нави сайёҳӣ дар минтақаҳои хушманазари Тоҷикистон унвон шуд", - мегӯяд Кумитаи рушди сайёҳӣ.

Дар кори намоишгоҳ имконоти сайёҳии ҷумҳурӣ, аз ҷумла захираҳои нодири табиӣ, иншооти таърихиву фарҳангӣ, кӯҳнавардӣ, сайёҳии экологӣ, инчунин ҳунарҳои мардумӣ ва анъанаҳои миллии кишвар ба маърази тамошо гузошта шуданд.

Намоишгоҳи "ITB Berlin" яке аз чорабиниҳои бузурги байнулмилалӣ дар соҳаи сайёҳӣ ба шумор рафта, ҳамасола намояндагони мақомоти давлатӣ, ширкатҳои пешрафтаи сайёҳӣ ва сармоягузорон ба ин соҳа аз кишварҳои гуногунро гирдиҳам меорад.

Дар Telegram, Facebook ва Instagram бо мо бимонед.