Дар  вилояти Суғд давоми соли 2011 - 4580,5 гектар боғу токзорҳои нав бунёд карда шуда, барқароркунии боғу токзорҳо бошад, дар ин давра дар майдони 1159,77 гектар амалӣ карда шудааст. 

Тавре аз хадамоти матбуоти раиси вилояти Суғд хабар доданд, тибқи нақша дар соли 2012 мувофиқи вилоят дар майдони 3730 гектар боғу токзорҳои нав бунёд гардида, ҳамкории боғпарварони вилоят ҷиҳати рушди соҳаи боғпарварӣ  бо дигар минтақаҳои ҷумҳурӣ  дар сатҳи зарурӣ  ба роҳ монда хоҳад шуд.

Бояд гуфт, ки ҳоло дар хоҷагиҳои ниҳолпарвар, хоҷагиҳои кишоварзию деҳқонӣ  ва аҳолии шаҳру ноҳияҳои вилоят зиёда аз 2 миллион бех ниҳолҳо омода карда шудааст, ки аз он зардолу 531 ҳазор бех, шафтолу 265 ҳазор бех, бодом 228 ҳазор бех, себ 385 ҳазор бех ва дигар дарахтони мевагиҳо 591 ҳазор бехро ташкил медиҳад.

Ҳамчунин дар вилоят соли сипаригашта, 72564 тонна меваҷот ва 42693 тонна ангур истеҳсол карда шудааст.