Ду локомотиви нави истеҳсоли Қазоқистон, ки аз ҷониби КВД «Роҳи оҳани Тоҷикистон» фармоиш дода шудааст, ба Тоҷикистон оварда шуданд.

Ба гуфтаи муовини сардори корхонаи мазкур Владимир Собкалов, моҳи ноябри соли гузашта идораҳои роҳи оҳани Тоҷикистону Қазоқистон дар бораи барои Тоҷикистон тайёр кардани шаш локомотив бо тарзи истеҳсоли консерни амрикоии «GeneralElectric» дар Остона қарордод ба имзо расониданд. «Локомотивҳо дар се марҳила – дуто дар моҳи феврал ва чорто дар моҳи март ба Тоҷикистон расонида шуда, ба ихтиёри истгоҳҳои роҳи оҳани Душанбе-1, Қӯрғонтеппа ва Хуҷанд вогузор мегарданд», - гуфт вай.

Бино ба маълумоти идораи «Роҳи оҳани Қазоқистон аллакай чор локомотив аз ин фармоиш омода гардида, бадана (корпус)-и вагонкашҳо бо рангҳои парчами давлатии Тоҷикистон оро дода шудаанд.