Имрӯз дар Женева силсилаи нахустини гуфтушунидҳо оид ба узвияти Тоҷикистон ба Созмони умумиҷаҳонии савдо ба итмом мерасад.

Чанде қабл вазири корҳои хориҷии ҷумҳурӣ Ҳамрохон Зарифӣ дар робита ба ин масъала изҳор дошт, ки ҳайати ҳукумати Тоҷикистон дар Женеваро вазири рушди иқтисод ва савдо Шариф Раҳимзода сарварӣ мекунад.

Ба қавли вазир, айни замон Тоҷикистон баҳри пазируфта шудан ба СУС дар самтҳои ба мутобиқат овардани санадҳои қонунгузории ҶТ ба меъёрҳои СУС, ҳифзи истеҳсолкунандаи ватанӣ ва ҳалли мушкилоти тиҷоратӣ бо кишварҳои узви созмон фаъолият дорад.

Тоҷикистон ҳанӯз соли 2001 барои узвият ба Созмони умумиҷаҳонии савдо дархост пешниҳод намуда буд.