Бо мақсади беҳтар намудани сифати хизматрасониҳо ва пешниҳоди он ба мизоҷон, ҶСК «Агроинвестбонк» нахустин бор дар низоми интиқоли маблағҳо реҷаи кориро дар рӯзҳои истироҳат ҷорӣ менамояд.

Тавре аз хадамоти матбуоти бонки мазкур хабар доданд, акнун бахши интиқоли маблағҳои Саридораи ҶСК «Агроинвестбонк» рӯзҳои якшанбе низ, шуруъ аз соати 8-00 пагоҳӣ то соати 13-00 ба мизоҷон хизмат мерасонад.

Ба иттилои манбаъ, ин иқдоми нави Бонк метавонад барои ҳалли мушкилоти баъзе маблағгирандагон, ки мехоҳанд маблағҳои худро дар рӯзи истироҳат, яъне якшанбе ба даст оваранд, мусоидат намояд.

Зикр гардид, ки акнун сокинони шаҳри Душанбе ва манотиқи атрофи он, ки пештар дар рӯзҳои корӣ барои ба Бонк муроҷиат кардан имконият надоштанд, метавонанд дар ҳама рӯзҳои ҳафта, ҳатто рӯзи якшанбе маблағҳои аз хориҷ ба номи онҳо интиқолгаштаро дастрас намоянд.