Соли гузашта Фурудгоҳи байнулмилалии Душанбе (ФБД) ба беш аз 1 млн. нафар мусофирон хизматрасонӣ пешниҳод намуд.

Бино ба маълумоти хадамоти матбуоти ФБД, ахири ҳафтаи гузашта дар ҷаласаи ҷамъбасти соли 2012-и ФБД зикр гардид, ки соли 2012 ба 696,804 нафар мусофири рафта (дар соли 2011 – 588,767 нафар, яъне нисбат ба ҳамин давраи соли 2011 – ум  15,5% бештар) ва 604,648 мусофири омада (дар соли 2011 – 537,842 мусофир, яъне  нисбат ба ҳамин давраи соли 2011 - ум 11,1% бештар)  хизмат расонида шуд.

Ба иттилои манбаъ, соли гузашта ҳаҷми умумии ҳамлу нақли бор аз ҷониби анбори тиҷоратии фурудгоҳ 1582 тонннаву 606 килоро ташкил додааст. Дар соли 2012 фурудгоҳи Душанбе бо 24 ширкатҳои ҳавопаймоии дохилӣ ва хориҷӣ фаъолият кард.