Портали марказии иттилооти инсайдерии ҷаҳон Business Insider мустақилона рейтинги «20 ширкати бадтарини ҳавопаймоии дунё» ( The 20 Worst Airlines In The World )-ро тартиб додааст, ки тавассути дараҷаи иқтисодӣ (эконом-класс) ҳамлу нақл анҷом медиҳанд. Дар ин рӯйхат ширкати миллии ҳавопаймоии Тоҷикистон – ҶСК «Тоҷик Эйр» бо рейтинги 43,3 балл аз 100 балли имонпазир барои дараҷаи иқтисодӣ мақоми 9-умро касб кардааст.

Зикр мегардад, ки садамаи охирини марговари ҳавопаймои ширкат соли 1997 рух дода, ҳамаи 79 нафар мусофирон ва аз 7 нафар кормандони ҳайати халабонон 6 тан ба ҳалокат расиданд.   Бино ба маълумоти Aviation Safety Network, ду садамаи соли 1993 ба марги беш аз 120 нафар боис гардиданд.

Дар мақоми аввали рӯйхати ширкатҳои бадтарини ҳавопаймоии дунё барои дараҷаи иқтисодӣ «Хатҳои ҳавопаймоии Туркманистон» (30,8 балл), зинаи дуюм – «Хатҳои ҳавопаймоии Судон» (33,3 балл) ва дар ҷойи сеюм – Хатҳои ҳавопаймоии байнулмилалии Украина (36,3 балл) ҷойгир шудаанд.

Зинаҳои баъдиро Uzbekistan Airways (Ӯзбекистон), Air Koryo (ширкати ҳавопаймоии Кореяи Шимолӣ), Bulgaria Air (Булғористон), ГТК "Россия" ва Iceland Express (Исландия) ишғол кардаанд. Мақоми охири даҳгонаи ширкатҳои бадтарини ҳавопаймоии дунёро бо рейтинги 44,8 балл ширкати ҳавопаймоии «Syrian Air»-и Сурия касб намудааст.